1.800 vecinos van beneficiase de la prolongación del colector de Bimenes

|
1.800 vecinos van beneficiase de la prolongación del colector de Bimenes

Los trabayos van comenzar el llunes y van allargase 30 meses cola fin d'evitar arramaos de poblaciones yerbates y de Nava nos ríos Pra o Fuensanta, o nos sos afluentes.

L'actuación a cargu de la Xunta de Saniamientu del Principáu d'Asturies, que va beneficiar a 1.800 habitantes, consiste n'allargar 8,5 quilómetros el colector de Bimenes al traviés de la vega del ríu Pra y hasta la redolada de Cecea (Nava), onde se va xunir al interceptor del ríu Piloña, que remata na depuradora de Ricao (Parres). Ésta va empezar na cabecera del mesmu, asitiada ente La Ponte y Piloñeta, y va incorporar a lo llargo del so percorríu les redes de saniamientu de les poblaciones navetes próximes: Priandi, Gradátila, Cezosu, Basoréu, Piloñeta, Ovín, Oméu y Buyeres.

D'esta miente, va evitase que les agües residuales doméstiques de les poblaciones de Bimenes y Nava, que se beneficiarán d'estes obras, vayan a los ríos Pra o Fuensanta o a sus afluentes, cola consiguiente meyora ambiental. El colector actual recibe les agües residuales de les principales poblaciones yerbates y remata nes proximidaes de La Ponte (Nava), mentes que nun puntu previu, allugáu en Bimenes, construyóse en 2017 una depuradora provisional, a la qu'anguaño se deriven los caudales recoyíos pol colector pal so tratamientu y posterior arramáu al ríu.

En zones entemedies del actual trazáu existen tamién un alliviaderu y una estación de bombéu con un tramu n’impulsión. El llargor total de los ramales de recoyida de les poblaciones de Nava ye de 1.540 metros.

Toles conducciones van executase con tubería de PVC, a esceición del tramu n’impulsión, que va utilizar tubería de fundición dúctil. El plazu pa desarrollar les obres ye de 30 meses, tando éstes presupuestaes en en 2.814.375 euros.

Inversión tamién por parte del Conceyu de Bimenes

Mientres se pon en marcha les obres de prolongación del colector, el Conceyu de Bimenes también vien faciendo trabayos d'enganches y meyores na rede de saniamientu y d'abastecimientu de va tiempu p'acá. Éstos carauterícense por ser costosos y complexos.

Na semeya, trabayos pa solucionar averíes na rede de saniamientu y d'abastecimientu d'agua entamaos pol Conceyu en Bimenes.

Contador Estadistiques