‘Pan de escanda’, de David Iglesias, gana’l premiu al meyor curtiu en llingua asturiana d’Aula 18

El XIV Certame Estatal de Curtiumetraxes Aula 18 vivió esti sábadu nel teatru municipal de L’Entregu la gala d’entrega de premios. ‘Pan de escanda’, de David Iglesias, llevóse’l de ‘Meyor curtiu rodáu en llingua asturiana”.
 
Esta historia sobre la visión estremada que tienen d’un mineru muertu los sos compañeros de trabayu y la so famila foi la meyor valorada por xuráu ente les cintes qu’aspiraben al premiu nesta categoría: ‘Cavite’, ‘Viejos perdedores’ y la propia ‘Pan de escanda’. D’esta forma, el realizador David Iglesias consigue esti galardón importante remuneráu con 250 euros y un troféu.
 
Otra manera, ‘Nadie tiene la culpa’, del madrilanu Esteban Crespo, llevóse’l primer premiu del certame, mentes que’l segundu foi pa ‘Una flor en recepción, de Marta Parreño, y el terceru, pa ‘Tuya Nagore’, de Josué Inglés. Mentes, ‘Lineas’, de Daniel Chamarro, llevóse’l premiu especial Aula 18 y ‘Cavite’ al de meyor curtiu rodáu en Samartín del Rei Aurelio. Por último, la meyor direición asturiana foi pa Jim Box, Iván Sainz y Dirk Soldner por ‘La mirada circular’, la meyor interpretación masculina p’Alberto Amarilla (‘Una flor en recepción’) y la femenina, pa Olaya Martín (‘Tuya Nagore’.