‘Contadores de lluz’, llibru que xune lliteratura y fotografía, va presentase esti xueves

Trece histories alredor de semeyes de Jandro Llaneza conformen ‘Contadores de lluz’, llibru de Suburbia Ediciones que va presentase'l xueves na FNAC. Vanessa Gutiérrez, Sofía Castañón y Pablo X. Suárez van participar nel actu.
 
Pablo Texón, Quique Faes, Xabiero Cayarga, Vanessa Gutiérrez, Xandru Fernández, Alberto Carrio, Sofía Castañón, Xabel Vegas, Miguel Rojo, Pablo X. Suárez, Xurde Fernández, Iris Díaz Trancho y Ramón Lluís Bande, son los autores que ponen histories a les semeyes de Jandro Llaneza nesti llibru coleutivu que cuenta con prólogu y edición de Silvia Cosio. ‘Contadores de lluz’ ye la obra númberu 10 de la coleición ‘Mecánica popular’, de narrativa, nel que tienen sitiu relatos, noveles y antoloxíes de ficción.
 
La presentación d’esti llibru va celebrase esti xueves, a les 19 hores, na FNAC de ‘Parque Principado’, con un actu nel que van tar presentes Vanessa Gutiérrez, Sofía Castañón y Pablo X. Suárez.