Ḷḷena restaura'l Pozu Ḷḷobos de Zurea y llimpia'l so accesu

La Comisión de Cultura de Ḷḷena visitó la restauración del Pozu Ḷḷobos de Zurea. La so recuperación foi posible gracies al trabayu d'investigación de David Ordóñez.

L'arquiteutu ḷḷenizu fixo un estudiu sobre estes construcciones nel conceyu, catalogando y documentando un total de 23. El meyor conserváu ye'l de Civieḷḷos, perriba del valle de Zurea, nel que'l Conciyu Ḷḷena entamó un trabayu de restauración consistente n'esbrozar el camín d'acceso, retirar los sedimentos del fondu del pozu y consolidar les sos muries, amás de la instalación d'un zarru perimetral y la so señalización. Estos pozos yeren trampas pa capturar llobos y otros animales que s'utilizaron hasta la estensión de les armes de fueu. N'Asturies tán documentaos dende la Baxa Edá Media –el restauráu data del sieglu XVI–– y lleven abandonaos dende hai más d'un sieglu.