Últimos díes pa participar nel sortéu d’entraes pal conciertu de Dixebra del vienres na Llaboral de Xixón

Esti domingu ye l’últimu día pa participar nel sortéu d’entraes que fai Asturies.com, en collaboración con EP Management, pal conciertu de Dixebra del vienres na Llaboral. Los avilesinos van compartir escenariu con Pablo Moro y Dr. Explosion.
 
En total van ser 15 les persones que van poder ganar una entrada pa presenciar la gran ‘Nueche del Rock Asturianu’ d’esti vienres. El festival va principiar a les 21 hores na Llaboral de Xixón cola actuación del cantautor uviedín Pablo Moro, pa depués dar pasu a los xixoneses Dr. Explosion (22.30 hores) col so direutu frescu y divertíu. Pa la medianueche ta previsto’l conciertu de Dixebra, grupu referente del rock asturianu inmersu na so xira ‘Bailla la crisis tour’.
 
Les persones que quieran participar nel sortéu de les 15 entraes que regala Asturies.com gracies a la cortesía d’EP Management han de mandar un corréu electrónicu a la direición redaccion@asturies.com colos datos personales y el DNI enantes de les 23.59 hores de mañana, domingu. El martes vamos dar a conocer los ganadores n’Asturies.com, que van poder recoyer les entraes nes nueses oficines de Xixón a partir d’esi mesmu día hasta’l vienres nun horariu que confirmaremos el martes.