ÚLTIMA HORA: Españíu nun almacén de residuos radiactivos nuna instalación nuclear del Estáu francés

Una esplosión nunes instalaciones nucleares cercanes a Nimes (Occitània) activó toles alarmes nel Estáu francés. Les autoridaes descarten una fuga nuclear pol españíu que tuvo llugar nun almacén de residuos radiactivos .
 
En concreto, les instalaciones nucleares afectaes son les de Marcoule, asitiada cerca de Nimes, nel sudeste del Estáu francés y a unos 200 quilómetros de Catalunya Nord. Nel españíu, que tuvo llugar a les 11.45 hores, morrió una persona na esplosión y provocó cuatro feríos.
 
L'ASN, axencia de seguridá nuclear francesa, señaló que la planta de Marcoule sirve pa la xestión de basoria nuclear, polo que nun tien reactor, y que nun hai pelligru nengún de fuga de material radiactivo.