Éxitu de los cursos de Política Llingüística

El pasáu mes d'avientu del 2005 celebróse'l I Cursu d'Encuestadores de Dialectoloxía, Toponimia y Cultura Popular, una iniciativa entamada pola Conseyería de Cultura al traviés de la Oficina de Política Llingüística y pol Seminariu de Filoloxía Asturiana de la Facultá de Filoloxía d'Uviéu.

Con 51 matriculaos, dende la Oficina de Política Llingüística calificóse ayeri de "éxitu" la iniciativa, que va completase esti mes de xineru cola realización d'unes práctiques de campu dirixíes polos profesores Fernando Álvarez-Balbuena, que va llevar la parte de dialectoloxía, Llinu Álvarez Santidrián, encargáu de les de toponimia y Xosé Antón Fernández "Ambás" especialista na fechura d'entrevistes rellacionaes cola lliteratura oral y la música popular. Estes práctiques van facese en dos rioles una, el sábadu 14 y domingu 15; y otra, el sábadu 21 y el domingu 23 en conceyu de Cangas del Narcea y gracies a la collaboración de la Conceyalía de Cultura del Conceyu de Cangas. La entrega de diplomes d'esti cursu va facese a últimos d'esti mes xunto cola del I Cursu Básicu de Llingua Asturiana pa Profesionales de la Información.