Álvarez Sostres demanda a Rajoy que pague a Asturies pola sentencia de los fondos mineros

|

El diputáu por Foro Enrique Álvarez Sostres reclamó a Mariano Rajoy el pagu del dineru que'l Gobiernu estatal debe a Asturies de fondos mineros. El presidente estatal evitó esta cuestión.

Na so intervención nel 'Debate sobre el estado de la nación', el parllamentariu del únicu partíu asturianu nel Congresu felicitó al líder popular polos avances en materia económica, anque criticó l'optimismu qu'amuesa. No referente al país, Sostres recordó les esmolecientes cifres de paru y l'aislamientu que vive Asturies, pa zarrar el so discursu reclamando a Rajoy el pagu del dineru que l'Estáu debe de fondos mineros y que ta obligáu a abonar tres la sentencia xudicial de l'Audiencia. Nesi sen, esixó que lo faiga enantes del final de la llexislatura. Pa finar, calificó de provocador al ministru Soria poles sos manifestaciones al respeuto.

Rajoy, na so réplica, pasó de llargu sobre esti asuntu y centróse namái en recordar les inversiones previstes n'infraestructures n'Asturies y a citar les perres gastaes nel AVE Madrid-Xixón fuera del país. Con respeuto a l'alta velocidá, apuntó que nun ta en dulda la so llegada a Asturies.

Contador Estadistiques