Álvarez-Cascos va tener que declarar poles sos declaraciones sobre la Policía pol ‘casu Gürtel’

|

Les declaraciones de Francisco Álvarez-Cascos nes que descalificaba a los policíes que taben investigando al PP pol ‘casu Gürtel’ van llevalu a declarar ante un xulgáu. Esteban González Pons salió en defensa del so ex compañeru de partíu.
 
“Hai una camarilla de la policía xudicial, instalada en Canillas, dedicada a preconstituir pruebes”, señaló Álvarez-Cascos n’abril del 2010 nuna radio, pa depués añadir que “nel mio casu, de manera clara dedicada a preconstituir una prueba falsa. D'eso doi testimoniu en primer persona. Y como eso hai más. Y pue haber muncho más”. Este declaraciones llevó a una asociación de xuristes de nome Preeminencia del Derecho a denunciar al, con casi total seguridá, candidatu de Foro Asturias a les eleiciones de mayu, qu’agora va tener que declarar nun xulgáu de l’Audiencia Provincial de Madrid.
 
Otra manera, el vicesecretariu del PP, Esteban González Pons, salió en defensa de Ávarez-Cascos, al igual que cuando fixo les declaraciones nel mes d’abril pasáu, momentu nel que tovía permanecía nes files de los populares.

Contador Estadistiques