Álvarez-Cascos encabeza la candidatura de FAC y Coto pasa a ser la númberu dos de la llista

Francisco Álvarez-Cascos va repetir como candidatu de Foro Asturias Ciudadano (FAC) nes eleiciones nacionales anticipaes del 25-M. Mentes, Cristina Coto pasa a ocupar el númberu dos de la llista y Pelayo Roces mantién el trés.

D’esta forma, Coto pasa a ocupar el puestu que nes eleiciones anteriores correspondieron a la secretaría xeneral del partíu, María Teresa Alonso, qu'agora cai hasta'l puestu númberu ocho. Mentes, Roces mantién el mesmu llugar. Si se repitieren los resultaos del 22 de mayu, amás de los trés primeros de la llista yá nomaos, entraríen na Xunta Xeneral pola circunscripción central, nesti orde, Esther Landa;  Albano Longo; el senador Isidro Martínez Oblanca; el voceru actual na Xunta Xeneral, José Antonio Martínez; la mentada Alonso; Manuel Peña; Carmen Fernández Gómez; el conseyeru d'Economía, José Manuel Rivero; y el conseyeru de Sanidá, José María Navia Osorio.

Pola oriental caltiénse nel puestu númberu ún la diputada Marina Huerga y entra nel dos Carmen Sela Fernández en llugar de Fidel Sánchez, que cae de la llista; en tercer posición va María del Mar García Po, y nel cuartu y quintu puestu, José Luis Vigón Fernández y Cayetano Pérez-Cubillas Ruiz, de manera respeutiva. Por último, pola circunscripción occidental, sal de la llista la conseyera de Fomentu y Mediu Ambiente, María Isabel Marqués, que sustitúi Juan Ramón Riolo Fernández, y l'ex alcalde de Tapia y diputáu na Xunta Xeneral, Gervasio Acevedo, nesti casu pola direutora xeneral de la Minería, Carolina Morilla Cernuda. Zarren la llista Deli Marrón Escaladas, Rosa María Pérez González, Melchor Calleja Pérez y Belén Blanco Fernández.