Álvarez-Cascos cifra en 1.283 millones los recortes de Rajoy qu’afeuten a Asturies

El presidente d’Asturies cifró en 1.283 millones d’euros los recortes de Mariano Rajoy qu’afeuten al país. Pa Francisco Álvarez-Cascos “nun ye almitible” que quedemos “a la cabeza de les comunidaes más penalizaes por estos retayos”.
 
Álvarez-Cascos compareció güei, a pidimientu propiu, nel Plenu de la Xunta Xeneral pa informar sobre la incidencia que van tener n'Asturies les midíes incluyíes nos alcuerdos sobre recortes presupuestarios aprobaos pol Conseyu de Ministros del día 30 d'avientu del 2011. Esgranó les partíes que se veríen afeutaes y convidó al restu de grupos políticos a "asumir" les sos responsabilidaes ante la situación.
 
Amás, señaló que, por esti recorte de 1.283 millones d’euros, los asturianos “van ser españoles de segunda y europeos de tercera”. El presidente del país refugo enfrentase al Executivu estatal por esti asuntu y confía en que Rajoy atienda la so solicitú de diálogu.