Álvarez-Cascos acude a declarar tres conocer la intención del xuez d’ordenar la so detención

Un día depués de nun acudir a la so cita nel xulgáu poles sos declaraciones sobre la Policía pol ‘casu Gürtel’, Francisco Álvarez-Cascos tuvo que rectificar y acudir esti xueves al xulgáu. En casu contrariu, el xuez diba ordenar la so detención.
 
Álvarez-Cascos, candidatu de Foro Asturias a la Xunta Xeneral, llegó a los xulgaos de Plaza de Castilla alredor de les 10.20 hores pa declarar ante’xuez d’Instrucción númberu 32 de Madrid, Santiago Torres, depués de que nun acudiera esti miércoles a la cita xudicial y que la so defensa presentara una declinatoria de competencia pa qu’otru xulgáu investigara estos fechos. El ex secretariu xeneral del Partido Popular (PP) entró nes dependencies xudiciales pola puerta principal y negóse a realizar declaraciones a los medios de comunicación qu’esperaban la so llegada.
 
José Ramón Montero, abogáu tamién del PP, reclamó ayeri que sía’l xulgáu d’Instrucción númberu 44 el qu’asuma la causa yá qu’este órganu investiga una denuncia que presentó’l candidatu de Foro Asturias nel 2009 al considerar qu’unes filtraciones que lu relacionaben cola trama 'Gürtel' atentaben contra’l so derechu al honor.