“Patria sin sol” llega al video

El grupu de hip-hop de la Cuenca'l Nalón "stoned Atmosphere" presenta mañana a les 8 y cuartu de la tarde na FNAC de Siero -Centru Comercial Parque principado) el video del so conocíu tema "Patria Sin Sol" que'l duu grabó cola ayuda del raperu Tori. Gonzaga H.G. Antuña ye'l responsable de la creación viedográfica pal grupu d'Arma X y Ceeris que se grabó en delles localizaciones de la mesma Cuenca'l Nalón, buscando que les imáxenes valieren d'encontu a la lletra d'un tema que radiografía l'Asturies post-industrial.

El vídeo vien tamién a sofitar la carrera discográfica de "Issue 4" el primer discu comercial del grupu, que punxere los otros trés trabayos que ficiere enantes a descargar de baldre na rede, consiguiendo batar récords de popularidá. Precisamente "Patria sin sol" ye ún de los temes qu'apaecieron orixinalmente naquel "Issue 3" qu'acabó de facer d'ellos un grupu de referencia na escena del hip hop astur.
Más información na so web