Los Verdes entamen una campaña online contra la incineradora

Los Verdes d'Asturies entamaron a medianueche una campaña de presión a Coxersa. Al traviés de la so web piden l'unviu de correos solicitando'l votu en contra de los conceyos.

Nesta campaña de 11 díes de duración, Los Verdes diríxense a tolos representantes de los Conceyos asturianos, un total de 141 persones, que tienen votu en Coxersa. Soliciten el so votu en contra de la incineradora, y apurren la información y los datos necesarios por que tomen esa decisión.

Les presentaciones qu'acompañen a esta campaña tán centraes nel empléu, nel reciclaxe, y na salú, “estos tres elementos sufriríen un retrocesu si se construyera la planta de quemáu de basories”, indiquen dende la organización. Los Verdes d'Asturies proponen como alternatives amenorgar el volume de basories xeneraes; crear empléu verde basáu en negocios de reciclaxe; recoyer la materia orgánico por separáu; y apostar por oxetivos de reciclaxe muncho más ambiciosos que los actuales.