Denuncien la política llingüística gallega en Bruxeles

Queremos Galego va aconceyase con representantes del Conseyu d’Europa, la Eurocámara, la Comisión y la Unesco pa denunciar el “esmantelamientu de la oficialidá”.

Pa l’asociación, la versión gallega del Conceyu Abiertu pola Oficialidá, l’actual executivu gallegu tien una política activa pa desaniciar la oficialidá del gallegu y atacar la llexislación vixente. Poro, van entregar esti miércoles al comité d’espertos del Conseyu d’Europa un informe sobre los incumplimientos de la Carta Europea de les Llingües Rexonales y Minoritaries.
 
‘Queremos Galego’ tamién va aconceyase con representantes de la Comisión en materia d’enseñu y multillingüísmu y con representantes de la Eurocámara, sobre too con representantes de territorios con una situación llingüística asemeyada a Galicia.

Fran Rei, voceru de la plataforma, dixo que ye perdifícil atopar dalgún llugar nel que  faigan un ataque a la llexislación "básica y consensuada" como pasa en Galicia.