Subvenciones a la natalidá y a la castellanidá

Un conceyal socialista de la localidá zamorana de Muelas de Pan pretendía vincular les ayudes a la natalidá a la castellanidá de los nomes de los neños, pero la propuesta foi refugada.

La Corporación municipal, en manes del PP, y los sos propios compañeros de partíu baltaron la iniciativa del conceyal Fermín Faúndez Bollo, que propunxo con calter oficial al Plenu del Conceyu modificar le Ordenanza reguladora de les ayudes a la natalidá
 
El conceyal quería introducir una clausa na ordenanza municipal que fomentara'l castellanismu pa que namás tengan derechu a la mesma los neños que tengan nomes castellanos, “en nengún casu, aquellos que tengan nomes vascos, catalanes, gallegos, anglosaxones, o cualesquier otru, nin les traducciones a dichos idiomes”.