Rachel Hair trai'l so folk escocés a Uviéu y Xixón

|

Rachel Hair trai'l so folk escocés a Uviéu y Xixón dientro del programa Música del Sieglu XX. La intérprete forma parte de la nueva xeneración d'intérpretes de música tradicional n'Escocia.

Ta considerada como una artista innovadora pola fusión que fai de la música escocesa y irlandesa y les influencies del jazz, folk, rock y clásica, según informó Caxastur nuna nota de prensa.
  
Realizó numberoses xires de conciertos per Europa, Estaos Uníos y Asia, tocando en prestixosos festivales como'l Celtic Connections, la Selmana de Folk de Sidmouth y el Festival Internacional d'Arpa de Edimburgo.
  
Amás del so llabor como intérprete, Rachel tien una gran esperiencia como profesora d'arpa n'Escocia y impartió numberosos seminarios na India y Estaos Uníos.
  
La composición del grupu ta formada por Rachel Hair, arpa; Paul Tracey, guitarra y James Lindsay nel contrabaxu.
   El conciertu que va realizar n'Uviéu celebraráse güei nel Centru Cultural Caxastur, y el xueves 8 d'abril será nel Pabellón Recintu Ferial Luis Adaro de Xixón.
 

Contador Estadistiques