El Principáu va xixilar que la obra de Santa María seya respetuosa

Cultura alvirtió que va permanecer "vixilante" pa que les obres de construcción d'una vivienda nes proximidaes de Santa María del Naranco seya "respetuosa col Prerrománicu".

"El movimientu de tierres va contar con un siguimientu arqueolóxicu, que va permitir detectar cualquier elementu d'interés que pudiera existir nel subsuelu del terrenu onde se va a llevantar la vivienda", señalen fontes del departamentu.
  
La sala de lo Contencioso-Alministrativo del Tribunal Superior de Xusticia d'Asturies (TSXA) refugó'l recursu d'apelación interpuestu pola Alministración, qu'apeló l'autorización del Xulgáu d'Instrucción número 3 d'Uviéu pa construyir nuna finca privada, a 98 metros de la ilesia prerrománica de Santa María del Naranco, declarada Patrimoniu Mundial de la Humanidá.
  
La Conseyería de Cultura llamenta que "s'acabaron toles víes alministratives y xudiciales pa evitar una construcción, cola que nunca tuvieron d'alcuerdu". Y señala qu'agora "ye competencia del Conceyu d'Uviéu otorgar la correspondiente llicencia y garantizar la so adecuación al Plan Xeneral d'Ordenación vixente".