Haidar esixe la "intervención" d'España

Aminetu Haidar mostróse crítica col "silenciu permisivu" de la comunidá internacional en relación al conflictu saḥaraui y reclamó al Estáu español la so "intervención".

En recibiendo en Palma'l I Premiu Internacional Xovellanos 'Resistencia y llibertá', Haidar solicitó un "mecanismu" pa protexer los derechos humanos nel Saḥara Occidental, dao que los saḥaraui "merecen ser trataos como'l restu de pueblos del planeta sin l'arramamientu de más sangre".

Haidar, que se mostró "inmensamente feliz" por recibir esti premiu "porque nos fortalez na nuesa llucha", calificó'l galardón como "bocadiella d'aire" pa que los saharauis "sigamos aguantando, contando la verdá y seyamos llibres".
  
L'activista remató'l so discursu recordando les palabres de Melchor de Jovellanos. "Pienso qu'una nación que s'ilustra pue facer grandes reformes sin sangre", "yo tamién lo creo asina", añadió Haidar.
  
Pela so parte, el xefe del Executivu d'Asturies, Vicente Álvarez, señaló que la premiada "axunta munches virtúes de la convivencia", algo que, amás, fai nun contestu de "muncha complexidá" y refirióse al conflictu nel Saḥara Occidental como una "causa cercana" a España.
  
El presidente del Govern, Francesc Antich, destacó l'apuesta realizada na llucha de Haidar polos métodos pacíficos" como la palabra y consideró que'l xuráu del Premiu acertó "dafechu".
  
Coles mesmes, Antich destacó la "alegría" de los ciudadanos de les isles al premiar a l'activista saharaui y remarcó que la "base de la llucha" tien de ser siempre la "honradez", dalgo que pasa por "exercer bien el mesmu oficiu", señaló.
  
L'actu que tuvo llugar esta tarde, depués de que Haidar visitara esta mañana'l Castell de Bellver, onde Melchor de Jovellanos permaneció presu, realizóse nel Conservatorio de Música de Baleares y acabó con una interpretación musical a cargu del pianista Andreu Riera.