Haidar critica la "actitú de silenciu" mantenida pol Gobiernu español

L'activista Aminetu Haidar llamentó la "actitú de silenciu" caltenida pol Estáu nel conflictu saḥaraui puesto que tendría que "intervenir" y defender el derechu d'autodetermín d'esti pueblu.

Sicasí, valoró'l I Premiu Internacional Xovellanos 'Resistencia y llibertá' que-y van apurrir esta tarde al entender que con ésti galardónase a una población que "sigue sufriendo tres 35 años".
  
Nuna rueda de prensa nel Castell de Bellver enantes de recibir el premiu en reconocencia a la so llucha a favor de los valores democráticos, Haidar manifestó alcontrase "mui recuperada" anque con dellos "problemes d'estómagu", tres la fuelga de fame que caltuvo mientres 32 díes nel aeropuertu de Lanzarote.
  
L'activista sintióse mui apoyada pola solidaridá internacional y la sociedá civil española y consideró un "arguyu y privilexu" rindir tributu col premiu a un "home tan valiente" como foi Gaspar Melchor de Xovellanos.
  
Mientres l'actu, no que se refier al conflictu saḥaraui, señaló que la posición del Gobiernu francés ye "bien distinta" de la mantenida pol español, y aseguró que'l primeru "bloquia la situación" y nun realiza "nada positivu" pa contribuyir a una "resolución pacífica".