Yihad Islámica desmiente que vaya interrumpir los ataques contra Israel

|

El grupu palestín Yihad Islámica desmintió qu'aportara a detener el llanzamientu de cohetes contra territoriu israelín, tal como informaben el domingu los medios israelinos.

La Yihad "ta comprometida cola defensa del nuesu pueblu y comprometida cola resistencia per tolos medios posibles", indicaron fontes del grupu en declaraciones a l'axencia de noticies palestina Maan.

Primeramente, la televisión israelina Channel 10 emitió una noticia na que citaba a un voceru de la Yihad Islámica, Daoud Shihab, qu'afirmaba que la organización interrumpiere "el fueu de cohetes contra Israel pol bien de los palestinos, principalmente pa facilitar el fin del asediu (bloquéu) de la Fazaa de Gaza".
  
Esti llunes, el grupu almitió caltener contactos con Hamas, movimientu que controla al gobiernu palestín 'de facto' na Faza, y otres facciones palestines, pero "coles mires de consolidar el principiu de proteición del pueblu palestín (...) y pa falar sobre los mecanismos pa enfrentar les últimes amenaces israelines". Estes reuniones busquen tamién "elevar el nivel de la coordinación ente les facciones" palestines.
  
Sicasí, nun se faló de los cohetes. "Los proyectiles son un mediu táctico emplegáu pola resistencia conforme a les circunstancies sobre'l terrenu. Son una forma de resistencia", matizó la fonte consultada por Maan.
 
Captura de soldaos
  
Per otra parte, un dirixente de la estaya política de la Yihad Islámica, Jalid al Batsh, defendió ayeri domingu nuna manifestación la oportunidá de la captura de militares israelinos como única vía pa llograr la puesta en llibertá de los palestinos presos en cárceles d'Israel.
  
Mientres la concentración, celebrada frente a la sede de la Cruz Roxa en Gaza, Al Batsh destacó la llexitimidá de cualquier acción que tenga por fin la lliberación de prisioneros palestinos, oxetivu que calificó de prioritariu. Coles mesmes, el dirixente islamista fixo un llamamientu a la unidá de les facciones palestines.
  
Al Batsh recordó que los presos palestinos en cárceles israelines decidieron nun recibir visites mientres el mes d'abril, según caltener fuelgues de fame los díes 7, 17 y 27 en protesta polo que denuncien como abusos cometíos poles autoridaes hebrees contra les persones que los visiten, amás de contra ellos mesmos, tales como la obligación de desnudase pa los rexistros.

Contador Estadistiques