AI quier que nos viaxes del Principáu se fale de derechos humanos

Amnistía Internacional pide que nel próximu viaxe comercial ya institucional del Principáu a Centroamérica y el Caribe trate tamién cuestiones relatives a los derechos humanos.

La unidá territorial d'Amnistía Internacional (AI) n'Asturies ellaboró un documentu que resume la situación de los derechos humanos y les principales esmoliciones de la organización sobre Méxicu, Cuba y República Dominicana, tres de los países que llueu va visitar una delegación comercial ya institucional d’Asturies.
 
Esti documentu va faese llegar al Presidente del Principáu, Álvarez Areces, col pidimientu de qu'estes cuestiones seyan tamién trataes mientres el viaxe y que, de forma especial,  plantéguense a les autoridaes correspondientes los  casos de persones concretes -presos de conciencia, defensores de derechos humanos y víctimes de violaciones de derechos humanos- polos qu'AI trabaya anguaño.
 
Per otru llau, la unidá territorial d'AI n'Asturies dirixóse a los tres grupos políticos de la Xunta Xeneral del Principáu pa solicitar que'l Parllamentu apruebe una declaración institucional sobro los 10 casos nos que trabaya la organización por cuenta de la presidencia española de la Unión Europea, con una mención especial de sofitu a les madres de los nueves víctimes d'execución extraxudicial en Colombia, conocíos como "falsos positivos".