El Gobiernu vascu diz que la dimisión en Política Llingüística ye un axuste

La vocera del Gobiernu vascu, Idoia Mendia, dixo que la dimisión del viceconseyeru de Política Llingüística, Ramón Etxezarreta, ye algo "bastante normal" nes alministraciones.

L'ex viceconseyeru dimitió del so cargu al "nun encaxar" nel equipu de dirección del Departamentu de Cultura, onde dixo nun sentise cómodu. Tres esta decisión, la yá ex Direutora de Promoción del Vascu, Lourdes Auzmendi, va sustituyir nel cargu a Etxezarreta.
  
Mendia, en declaraciones a los medios de comunicación tres el Conseyu de Gobiernu selmanal, manifestó que, al tar motivada esta decisión en razones "personales" del propiu Etxezarreta, ye a él al que "hai que preguntar" por dichos motivos.
 
De toes formes, manifestó que nes alministraciones "siempres se producen axustes a lo llargo de los meses", polo qu'esti tipu de decisiones son algo "bastante normal".
  
Tres la dimisión, el Gobiernu vascu aprobó ayeri la reestructuración de la Viceconseyería de Política Llingüística. D'esta manera, l'hasta agora directora de Promoción del vascu, Lourdes Auzmendi, pasa a ser viceconseyera de Política Llingüística del Departamentu de Cultura.