Asturies foi la comunidá más castigada pola gripe na selmana antes de Navidá

L'afeición del virus de la gripe n'Españaa casi se duplicó nes útlimes selanes, puesto que, según los últimos datos de la rede Nacional de Vixilancia Epidemiolóxica del Institutu de Salú Carlos III, na selmana del 21 al 27 d'avientu se rexistraron 148,18 casos por cada 100.000 habitantes, frente a los 70,48 casos rexistraos a mediaos del mesmu mes, del 7 a 13 de payares. Nel casu concretu d'Asturies, foi la comunidá más castigada na selmana previa a les fiestes de Navidá, con 444,59 casos por cada 100.000 habitantes.

L'actividá gripal yá sufrió un mayor ascensu na selmana anterior previa a les fiestes navidiegues, del 14 al 20 d'avientu, cuando s'algamó una media de 129,16 casos por cada 100.000 habitantes, qu'agora se xeneraliza en toles comunidaes autónomes, sobre too nel centru y norte de la península.

D'esta manera, les rexones más castigaes pol virus fueron Navarra (296 casos por cada 100.000 habitantes), Castiella y Lleón (280,53), Canaries (279,93), País Vascu (253,07), Cantabria (207,5) y Comunidá de Madrid (169,93), toes elles superando los 100 afeutaos por cada 100.000 habitantes, siguíes de Cataluña (96,07), Estremadura (80,72) y La Rioxa (79,68).

Nel polu opuestu, tán Baleares (14,37), Comunidá Valenciana (26,2), Castiella La Mnacha (44,11), Aragón (60,51) y Andalucía (68,43), mientres que de Galicia, Murcia, Ceuta, Melilla y Asturies nun hai datos disponibles.