Eroski va recibir II Premiu a la Promoción de la Realidá Plurilingüe

Los gobiernos vascu, gallegu, catalán y balear, entreguen mañana en Madrid a la empresa vasca Eroski'l II Premiu a la Promoción de la Realidá Plurilingüe del Estáu Español.

Según informaron fontes del Executivu autónomu d'Euskadi, nel actu van participar la conseyera vasca de Cultura, Blanca Urgell; el secretariu de Política Llingüística de la Generalitat de Catalunya, Bernat Joan; el secretariu xeral de Política Llingüística de la Xunta de Galicia, Anxo Lorenzo; y la directora xeneral de Política Llingüística del Govern de Les Illes Balears, Margalida Tous.

El galardón correspondió, nesta ocasión, a la cadena d'alimentación Eroski, "en reconocencia a la so política comercial d'incorporación de les cuatro llingües oficiales dende últimos de 1970". El premiu va recoyelu'l presidente del grupu, Consten Dacosta, a les siete de la tarde, nel Círculu de Belles Artes.
  
El Premiu a la Promoción de la Realidá Plurilingüe del Estáu Español, qu'esti añu cumple la so segunda edición, tien por oxetivu "reconocer la trayectoria de persones, entidaes o empreses nel ámbitu de la promoción y la incorporación de la diversidá llingüística del Estáu", y inscríbese nel protocolu de collaboración en materia de política llingüística que tienen suscritu los cuatro gobiernos autonómicos.
  
L'actu va presentalu Óscar López, periodista y presentador del programa 'Página 2', de TVE2.