Llibertá so fianza a los dirixentes de Batasuna Permach, Cruz y Álvarez

L'Audiencia Nacional alcordó la puesta en llibertá baxo fianza de 50.000 euros de los dirixentes de Batasuna Joseba Permach, Juan Cruz Aldasoro y Joseba Álvarez.

La so detención tuvo llugar nel procedimientu nel que s'investiga la subordinación de la formación illegalizada a la organización terrorista ETA y la so financiación al traviés de les 'herriko tabiernes'.
  
Asina consta nun autu dictáu pola Estaya Segunda de la Sala de lo Penal pente medies del que s'acuerda que los tres procesaos tengan la obligación de realizar comparecencies selmanales énte'l xulgáu más próximu a la so casa, la retirada de los sos pasaportes y la prohibición de salir del territoriu del Estáu.
  
Amás, Permach, Cruz Aldasoro y Álvarez van tener prohibío "participar en conceyos, manifestaciones, actos públicos, formación de grupos, coaliciones o partíos políticos de carauterístiques asemeyaes o cualitativamente asemeyaes a los partíos illegalizados pol Tribunal Supremu Batasuna, Herri Batasuna y Euskal Herritarok, según los declaraos sucesores".