El Bloque atribúi'l fallu del casu Blanco a un sector ultraderechista

Bloque por Asturies atribuyó a una "estructura ultraderechista" de la xudicatura, el fallu del xuez Miguel Ángel Carbajo, nel que desestimaba un recursu del abogáu Xurde Blanco Puente.

En declaraciones a Europa Press, el voceru del Bloque por Asturies, Pablo Fernández, consideró que "si nel casu Garzón ta poniéndose de manifiestu la esistencia d'un estructura ultraderechista na xudicatura del estáu, equí n'Asturies esta estructura ultra focaliza'l so llabor na supresión-torga de los derechos llingüísticos de los falantes d'asturianu".
 
Amás, dende'l so puntu de vista, cuenta "cola insultante connivencia d'un sector de la FSA qu'a mou d'hermandá del Valle de los Caídos, aplaude la modificación d'una sentencia del Tribunal Constitucional onde se reconocíen estos derechos, y onde hai un fedor medieval y feudal".
  
Pa Fernández, esto nun demuestra "que la tan cacareada transición n'Asturies tovía tien resortes franquistes que faen tolo posible por que la democracia nun llegue a tol so desarrollu, sobre too nel tema llingüísticu, onde tamos nuna situación bastante grave".