El direutor de la Fundación Oso, Carlos Zapico, dixo que Tola, una de les dos hermanes d'osu pardu cantábricu que viven en Santu Adrianu, en Proaza, nun tien críes.

La fema protagonizó la pasada primavera delles cópules col machu cedíu al Principáu pol Parque de la Naturaleza de Cabárceno pal proyeutu de cría en cautividá.
  
L'anunciu llega depués de que na Fundación se mostraren esperanzaos hai unes selmanes ante la posibilidá de que Tola fuera madre, porque "cumplía col protocolu".
  
En declaraciones a Europa Press, Carlos Zapico esplicó que xeneralmente Tola solía abandonar la osera a finales del mes de febreru o primeros de marzu. Esti añu, d'otra manera, permanecía hasta agora en letargu ininterrumpíu dende últimos de payares, lo que convidó a pensar que podría tar criando a los esbardos nel interior de la osera hasta qu'estos algamaren el nivel óptimu de madurez, sobre'l mes de mayu.
  
Les hermanes Paca y Tola entregáronse al Fondu Asturianu pa la Protección d'Animales Xavaces (FAPAS) en xunu de 1989 cuando contaben cinco meses, dempués de que dos furtivos mataren a la so madre y dende entós tornaron nun símbolu de protección de la especie.