Coxersa diz que los anti-incineración provoquen alarma social

Coxersa dixó que cola incineradora nun se va abandonar el reciclaxe y van cumplir cola llexislación ambiental. Polo que calificó a los anti-incineración de provocar alarma social.

Según informó'l consorciu, l'esfuerciu inversor permitió meyorar sustancialmente los resultaos de la recoyida selectiva de papel y cartón, envases llixeros y envases de vidriu, qu'aumentó un 80% dende'l 2002. Si se contabiliza'l restu de fracciones selectives (vexetales, cuchu, chatarra, muebles, etc) l'aumentu ye del 41,5% dende 2004.

Repitió amás que pa siguir con esti compromisu licitará obres y actuaciones rellacionaes col reciclaxe que van superar los 90 millones d'euros, de forma que la recoyida selectiva y el reciclaxe de residuos urbanes van aumentar un 128% hasta'l 2015.
  
Per otra parte Coxersa manifestó que la incineradora que se recueye nel Plan de Futuru y que llueu va sometese al procesu d'aprobación definitiva nos órganos de Gobiernu del Consorciu, va incorporar les meyores técniques disponibles y va cumplir, como nun puede ser d'otra manera, tola llexislación vixente en materia d'emisiones a l'atmósfera.
  
Nesti sen esplicó que les plantes d'incineración de residuos tán suxetes a una pormenorizada y bien esixente normativa d'emisiones gaseoses na Unión Europea onde existen más de 430 instalaciones d'esti tipu y onde, de momentu, nun se rexistraron evidencies científiques de que'l so funcionamientu produza efeutos negativos sobre la salú humana o sobre l'entornu natural.