Internet Explorer pierde cuota de mercáu n'Europa

Internet Explorer de Microsoft perdió cuota nos principales mercaos europeos, depués de que la compañía de software privativu  facilitase la instalación d’otros restoladores.

Según la firma d'estadístiques web Statcounter, la cuota d'Internet Explorer cayó en Francia en marzu 2,5 puntos porcentuales sobre febreru, en Reinu Xuníu un puntu porcentual y n'Italia 1,3 puntos.
 
La noruega Opera Software, la cuarta compañía de restoladores, vio cómo les descargues duplicábense más del doble n'Europa pola posibilidá d'eleición. Mientres que n'España, Italia y Polonia medraron más del triple. Tamién Mozilla, la númberu dos del mundu, rexistró un fuerte puxu.
 
El compromisu en febreru de Microsoft de permitir un accesu más cenciellu a los otros restoladores rivales en Windows punxo fin a una griesca antimonopoliu cola Unión Europea. Anguaño, la compañía ufierta una pantalla na que los consumidores pueden escoyer fácilmente restoladores rivales.