L'aviación israelina bombardía un túnel palestín en Rafá

Aviones israelinos bombardiaron esta nueche un túnel escaváu polos palestinos pa introducir contrabandu dende Exiptu a la Faza de Gaza, cerca de Rafá, localidá fronteriza.

Amás, l'artillería israelina realizó dellos tiros contra'l norte de la Faza de Gaza cercana a la frontera, según informaron testigues presenciales y fontes oficiales palestines citaos pola axencia de noticies palestina Maan.
  
De momentu nun hai noticies de firíos por nengún de los dos incidentes, anque sí se produxeron significativos daños materiales nel túnel y pol fueu provocáu pol bombardéu d'artillería, indicaron estes fontes.
  
Los testigos esplicaron qu'un caza F-16 israelín llanzó un  misil contra la zona na que taba'l túnel, colo que se cegó la so entrada. L'interior del pasaxe quedó calcináu.
  
Un voceru militar esplicó que'l bombardéu tenía como oxetivu un "túnel para contrabandu d'armes" y que la operación ye una "respuesta al llanzamientu de cohetes" dende Gaza nos últimos díes. Un cohete caseru impactó al sur de Ashkelon (sur d'Israel) na nueche del domingu, anque nun provocó daños materiales nin personales.
  
Per otra parte, el director del Serviciu d'Emerxencies y Ambulancies de la Faza de Gaza, Muawiya Hassanein, confirmó l'impactu de fueu d'artillería nuna zona abierta de Beit Lahiya, nel norte de la Fazaa. L'Exércitu israelín negó tener información alguna sobre actividá militar nesa zona.
  
Sicasí, el voceru israelín alvirtió que "Israel nun va tolerar l'actividá terrorista contra civiles" y de qu'Israel "responsabiliza a Hamás" de caltener la calma en Gaza. Amás, recordó que dende'l xueves un total de nueve proyeutiles llanzáronse dende la Faza a territoriu israelín.
  
Sicasí, 12 palestinos resultaron firíos n'operaciones de l'aviación israelín contra Gaza mientres el día d'ayeri.