Los ecoloxistes dicen que n'Asturies nun se ta cuidando l'agua

Nel Día Mundial del Agua, la Coordinadora Ecoloxista afirma que n'Asturies les agües residuales viértanse ensin nengún tratamientu y les industries tán usando agua potable.

La Coordinadora recuerda que n’Asturies gran parte de les agües residuales tán virtiéndose ensin nengún tratamientu o un tratamientu insuficiente col consiguiente impactu d'estos vertíos nel mediu natural.
 
Señalen tamién qu'esisten importantes núcleos y complexos industriales ensin tratamientu como son, parte Xixón, gran parte d'Uviéu, marxe drecha d'Avilés o Navia. Mientres qu’otres poblaciones tienen tratamientu d’agües, pero esti ye insuficiente pa la realidá poblacional. “Amás de cientos de pequeñes depuradoras que se fixeron va dellos años y que nunca llegaron a funcionar col despilfarru de recursos públicos que supunxeron”, recuerden
 
Tamién apunten que ye necesariu que se tenga en cuenta él sobre consumu que se produz, “munches vegaes xeneráu por una mala caltenimientu de la rede, un tarifa que non grava los grandes consumos, una rede onde se producen importantes perdíes”.
 
Recuerden que n'Asturies tola industria utiliza agua potable pa los sos procesos industriales, “lo que nun dexa de ser sorprendente que s'utilice un recursu llindáu y escasu, cuando valdríen otres agües d'inferior calidá”.