Los Humanitarios de Morea empobinen un concursu de monólogu

La Sociedá Humanitarios de Samartín de Morea (Ayer), ganadora del Premiu Príncipe al Pueblu Exemplar, convoca´l VII Concursu de Monólogos ‘Pepe Campo’, pa obres n’asturianu.

El concursu, empobináu en collaboración cola Conseyería de Cultura, tien que tratar un tema de l’actualidá social, política o cultural en prosa o versu, y va tenese en cuenta la correición llingüística y gramatical de los testos, “asina como’l so carácter normalizador del idioma”.
 
El premiu ye de 600 euros y va entregase dientro de les IV Xornaes Culturales dedicaes a l’alcordanza de Joaquín Rodríguez Muñiz, que se celebrarán na selmana del 25 a 29 de mayu de 2010.
 
Asturies.com apurre les bases de la convocatoria;