Quieren bloquiar una radio en llingua amárica porque "desestabiliza'l país"

El serviciu d'información etíope en llingua amárica qu'ufierta la corporación estadounidense Voice of America (VOA) va sufrir un bloquéu porque "desestabiliza al país".

"Llevamos munchos años convencíos de que, en munchos aspeutos, el serviciu amáricu de VOA copió les peores práutiques que realizaron distintes estaciones de radio como la Radio Mil Colines de Ruanda, al emitir propaganda desestabilizadora", afirmó anueche Meles Zenawi, primer ministru etíope, en referencia a la radio ruandesa culpada d'emitir propaganda racista que contribuyó al orixe del xenocidiu ruandés de 1994.
 
Esti país del Cuernu d'África va celebrar comicios nacionales el próximu mes de mayu, y los distintos grupos defensores de les llibertaes de los medios de comunicación afirmen que'l Gobiernu ta tomando "dures midíes" contra los medios de cara a les eleiciones, una acusación que les autoridaes gubernamentales nieguen.

Según la compañía estadounidense, la so emisión nel llinguaxe amáricu n'Etiopía viose interferíu mientres les últimes tres selmanes. La corporación tresmite n'otros llinguaxes predominantes nel país africanu, tales como l'afan oromo y el tigrinya, servicios que nun se vieron afectaos.
  
VOA ye'l serviciu oficial de radiodifusión internacional del Gobiernu d'Estaos Uníos, y creóse mientres la Segunda Guerra Mundial pa compensar la propaganda antiestadounidense. Emite nesti momentu en 45 llingües distintes.
  
"Renunciamos a la oxetividá del serviciu de la VOA ya intentemos elevar la nuesa capacidá pa tratar esta situación, incluyida la midida d'interferir la tresmisión", esplicó Meles, qu'añedió que los responsables gubernamentales tuvieron trabayando pa bloquiar el serviciu.
  
"Si m'aseguren que nuna fecha próxima tienen la capacidá d'interferir la radio, daré-yos l'aprobación clara pa faelo", aseguró'l primer ministru. Pela so parte, la corporación indicó nun comunicáu que nun faló col Gobiernu etíope dende hai más de dos años. "Cualquier comparanza de la programación de VOA cola emisión xenocida de la Radio Mil Colines ye incorrecta y ixustificada", señaló.