Israel confirma'l bombardéu de seis oxetivos na Faza de Gaza

|

L'aviación israelina bombardió esta madrugada seis oxetivos en distintes zones de la Fazaa de Gaza, ente ellos una fábrica d'armes y dos túneles asitiaos nel norte del enclave palestín.

Polo menos dos persones resultaron firíes nel ataque a un túnel de contrabandu asitiáu cerca de la frontera que dixebra Exiptu de la Faza de Gaza (sur), según testigos y fontes de seguridá del Movimientu de Resistencia Islámica (Hamás). Les mesmes fontes señalaron qu'otros dos pasos soterraños de la zona, un complexu pa la fundición de metales y dos árees deshabitaes en Khan Younis (norte) sufrieron el bombardéu polos aviones israelís.

El voceru del Exércitu d'Israel confirmó que s'atacaren seis blancos, pero aseguró qu'una fábrica d'armes atopábase ente ellos y precisó que tolos bombardeos impactaren direutamente nel so oxetivu.
  
Amás, lleendo un comunicáu que va facese públicu darréu, denunció que polo menos 330 cohetes llanzáronse dende'l territoriu palestín dende'l final de la guerra del añu pasáu. "Vamos siguir actuando contra cualquier qu'utilice'l terror contra Israel", añadió.
 

Contador Estadistiques