Fred Morrison en Mieres

La Obra Social de Caxastur presenta al gaiteru escocés Fred Morrison, que va actuar en Mieres dientro del ciclu de Música del Sieglu XX enmarcáu nos conciertos Caxastur. L'actuación va tener llugar el vienres 19 nel Centru Cultural Caxastur Jerónimo Ibrán 10, a les 20.00 hores.
  
Según informó Caxastur al traviés d'un comunicáu, Fred Morrison ta consideráu'l meyor intérprete de gaita escocesa, algo que vien respondío por non yá la crítica especializada y los sos esitosos conciertos, sinón por ganar siete veces el troféu Macallan nel Festival de Lorient y por crear la border pipe, cruce ente la gaita escocesa (highland bagpipe) y l'irlandesa (uillean pipe).
  
Amás, foi profesor de gaita hasta que tornó en músicu profesional tocando colos grupos Cla Alba y más tarde con Capercaillie. Participó en numberosos álbumes de músicos escoceses y fundó'l grupu gaélicu Ceolas.
  
El so valir como músicu foi definitivamente reconocíu col encargu de la composición de la pieza d'abertura del Glasgow Celtic Connections Festival del 2005.
  
Llogró'l galardón d'Instrumentista del Añu nos premios escoceses Trad Music Awards, premiu que consideró como una reconocencia a la música de gaita como arte popular más que como un llogru personal. Amás editó dellos discos en solitario, l'últimu d'ellos Outlands, axunta la música tradicional escocesa y el bluegrass americanu