El PAS sofita la campaña pola llibertá pa los presos políticos de Cuba

El PAS señala que les conversaciones cola plataforma que promueve esta campaña permiten que l’asturianu seya una de les llingües “nes que sumase al apoyu a la llibertá en Cuba”.

El Partíu Asturianista súmase a la campaña internacional pola llibertá de los presos políticos cubanos entamada dende http://orlandozapatatamayo.blogspot.com. Pal PAS ta claro que l’apoyu de los demócrates ha tar “colos que sufren la represión de los rexímenes totalitarios”.
 
El PAS albidra que ye urxente que’l réxime cubanu se democratice y terminen les encarcelaciones pola mor d’idees polítiques. “El Gobiernu de Cuba ha respetar los drechos humanos de los sos opositores y ye responsabilidá de nueso denunciar fechos como los d’Orlando Zapata Tamayo, muertu en fuelga de fame por denunciar estos crímenes cometíos por Fidel y Raúl Castro”, afirmen
.
Xuan Xosé Sánchez Vicente, presidente del Partíu Asturianista ta acabante firmar el so apoyu a esta campaña, xunto con otros miembros destacaos.