La oposición ve provocación en que Feijóo citare a Castelao en castellán

La oposición gallega considera una provocación que'l presidente de la Xunta citara en castellán al padre del nacionalismu gallegu, Alfonso Daniel Rodríguez Castelao.

En dos ruedes de prensa, los voceros de los grupos parllamentarios del PSdeG y BNG fixeron la so propia interpretación sobre la decisión d’Alberto Núñez Feijóo de lleer en castellán dientro del Alderique sobre l'Estáu de l'Autonomía, un pasaxe del 'Alba de Groria', el discursu pronunciáu dende l'esiliu de Buenos Aires por Castelao con motivu del Día de Galicia de 1948.
  
Pela so parte, el voceru de los socialistes na Cámara, Xaquín Fernández Leiceaga, entendió que "forma parte de la estratexa de provocación" de Feijóo, al tiempu que consideró "inesplicable" traducilo al castellán. "Nun hai nenguna razón, nun tien sen, como tampoco lo tien facer la traducción al gallegu de dalguna obra en castellanu", resolvió.
  
Tamién la vocera nacionalista, Ana Pontón, criticó la "falta de respetu" a Castelao y al gallegu del presidente de la Xunta, que tenía'l so discursu íntegramente en gallegu y "optó" por variar el párrafu del escritor galleguista. "ye una provocación pa estremar a los gallegos", retrucó, pa sorrayar que tamién supunxo "un xestu a los sectores ultraespañolistes y reaccionarios".
  
Enfrente, el voceru parlamentariu del PPdeG, Manuel Ruiz Rivas, refugó cayer en "disputes maníes", col convencimientu de que "aldericar" sobre esta cuestión "nun llega a nenguna parte". "Nun busquemos falsos alderiques", atayó, y pidió nun dar "más importancia" a esti fechu. "Naide duda del galleguismo de Feijóo", sentenció, argumentando que "ser galleguista ye ser un buen gallegu"
 
"Buscar tres pies al gatu”
  
Calcando en que la "prioridá" de la Xunta ye "salir de la crisis", punxo en valor el decretu del gallegu na enseñanza presentáu pol Gobiernu autonómicu, que defende "l'equilibriu" ente les dos llingües cooficiales. "Tamos nuna sociedá billingüe que precisa soluciones", afirmó, pa destacar que Feijóo "garantiza l'harmonía" col decretu y critica que "lo demás, ye buscar trés pies al gatu".
  
Pela so parte, el voceru parlamentariu del PPdeG, Pedro Puy Fraga, sorrayó que Castelao "ye ún de los símbolos" de los que se compón Galicia y argumentó que "caún pue emplegar los símbolos como considere oportunu". "La noticia ye que tenemos un presidente que cree nos sos símbolos y en Castelao, que ye de toos y nun ye de naide", acabó.