Hamas llama a la tercer intifada

|

El presidente de Hamás, Ahmed Bahar, pidió a les organizaciones palestines qu'ataquen a Israel con atentaos como respuesta a la "profanación de la mezquita d'Al Aqsa".

Mientres, l'Autoridá Palestina emitió esti martes una alerta xeneral polos disturbios entamaos en Xerusalén Este que yá causaron polo menos 49 firíos y 31 deteníos. La Policía palestina esplegóse en distintes ciudaes y aldees de Cixordania pa tar preparaos nel casu de que los disturbios s'estiendan per estos territorios, según informa'l diariu 'Yedioth Aharonot', que señala que nun se produxeron enfrentamientos.

Una fonte dientro de los servicios de seguridá de l'AP afirmó que "les fuerces de seguridá tán actuando casi como si se tratare d'una situación d'emerxencia coles mires de caltener l'orde". Amás, aumentaron la vixilancia sobre dellos miembros de Hamás dempués de que la organización llamara a un "día d'ira" xeneral en Cixordania.
  
Per otru llau, el 'númberu dos' del secretariáu políticu de Hamas, Mussa Abu Marzuk, afirmó que, a la lluz de les acciones d'Israel y del intentu de cambiar la realidá sobre'l terrenu, alteriando la presencia árabe en Xerusalén, "tien d'emplegase una estratexa clara de llucha contra la ocupación y la xudaización". Marzuk pidió asina a los palestinos que llancen una intifada pa torgar que'l "complot sionista" asuma Xerusalén. Nuna entrevista con Al Yazira, anima a los palestinos a qu'unan les sos fuerces en contra de les "intenciones" d'Israel pa espulsar a musulmanes y cristianos d'esta ciudá.
  
"Lo qu'asocede en Xerusalén va llevar a una esplosión na rexón, y tamos estudiando la respuesta que va consiguir la victoria pa la Mezquita d'Al Aqsa", señaló un voceru del ala militar del grupu. Pela so parte, un miembru de la direición política del Frente Popular pa la Lliberación de Palestina (FPLP), Maher al Taher, pidió a l'Autoridá Palestina que reconsidere la so política actual y detenga les negociaciones.
  
Como respuesta, l'Exércitu israelín emitió un comunicáu pol que condena los comentarios fechos polos responsables de Hamás. "Israel contempla con disgustu los recientes comentarios despectivos y antisemites de los responsables de Hamas, que tienen por oxetivu prender les emociones na rexón", indica'l comunicáu. "Israel pide a tolos intelectuales de toles relixones y creencies que condenen con resolución estes declaraciones de rencor y afaladura feches polos responsables d'esta organización terrorista", señala'l comunicáu recoyíu pol diariu The Xerusalem Post.
 
"Infrañable" rellación ente EE.UU y Israel
 
La secretaria d'Estáu norteamericana, Hillary Clinton, esclarió que la relación billateral ente Estaos Uníos y Israel sigue siendo "inquebrantable" y sorrayó la intención de Washington de que'l so unviáu pa Oriente Próximu, George Mitchell, visite depués la zona y entame les conversaciones indirectes con israelinos y palestinos.
  
Mientres una rueda de prensa, Clinton esclaró qu'Estaos Uníos caltién "un compromisu absolutu" cola seguridá d'Israel, según una alianza "cercana" y "infrayable" con esti país, magar que la selmana pasada la xefa de la diplomacia estaounidense calificó de "insultante" el proyectu hebréu pa construyir 1.600 nueves viviendes en Xerusalén Este.
  
"Compartimos valores comunes y un compromisu d'un futuru democráticu pal mundu", asina como un apoyu pa "una solución de dos Estaos" pa israelinos y palestinos, esplicó Clinton. "Pero eso nun significa que siempre teamos d'acuerdu. Nun lo tamos en too con nengún de los nuesos aliaos internacionales", añadió. Nesti sen, reconoció la "consternación" y la "decepción" d'Estaos Uníos pol últimu anunciu israelín.
  
Al respecto de l'aplazada visita de Mitchell a Oriente Próximu -según la versión oficial de Washington por problemes loxísticu-, la secretaria d'Estáu esclaró que se va producir más alantre, anque non especificó la fecha. Declaró que'l so Gobiernu va analizar "nos próximos díes" el viaxe, cola esperanza de qu'esta visita avance les conversaciones indireutes.

Contador Estadistiques