Urkullu felicítase polos resultaos del PNV nel País Vascu francés

El presidente del PNV, Iñigo Urkullu, aseguró que los resultaos llograos pol PNV en Francia "conviden a suañar" y constitúin "un pasu más" pal "proyeutu nacionalista centrista n'Iparralde".

Urkullu ufiertó güei una rueda de prensa en Saint Jean de Luz (Francia) pa evaluar los datos de los comicios, nos que la so primer vuelta los nacionalistes llograron 6.306 votos, y que constitúin, al so xuiciu, un resultáu "escelente".
 
El dirixente de la formación aseguró que, "igual para munchos", llograr el 6,11%de los votos "nun seya motivu de satisfaición", pero afirmó qu'estos resultaos "conviden a suañar" al PNV nel País Vascu-francés.
  
"Nun foi fácil el nuesu trabayu nel Estáu francés, con un nacionalismu vascu bien estremáu en dellos partíos, nún de los estaos más centralistes d'Europa", dixo.
  
Al so xuiciu, los resultaos del domingu suponen "un pasu más" pa "la consolidación del proyectu nacionalista centrista n'Iparralde", y "confirma l'aciertu de la lllinia de trabayu desarrollada" que se basó na "seriedá nos plantegamientos mientres munchos años pero, especialmente, na elección de los candidatos y el programa".
  
Urkullu esplicó que los plantegamientos de los nacionalistes son "cenciellos" porque confía en "un espaciu común, que respete toles naciones, tolos pueblos, cultures y llingües qu'esisten nel so senu" y una Europa na "se respeta" a Euskadi.
  
El presidente del PNV aseguró que los resultaos nel país galu confirmen al partíu en "el convencimientu de que siempre, pero sobremanera nestos momentos de rocea", el nacionalismu "útil" ye "presente y tien futuru".
  
"Porque'l nacionalismu que defende'l PNV n'Iparralde, tien como principal guía de trabayu la xestión y el bienestar al traviés del autogobiernu: si algo quedó demostrao nos años d'historia del PNV, ye que más autogobiernu ye más bienestar y más desarrollu, y esto ye lo que pretendemos pa Iparralde", afirmó.
  
Calcó na necesidá de "más autogobiernu" pal País Vascu-francés, con "más desarrollu y instituciones propies", y afirmó que'l PNV va ser "motor nestos oxetivos". "El nacionalismu del PNV ye'l nacionalismu que se demanda en seriedá y rigor, y tien el compromisu colos derechos humanos y el refugu a la violencia", apuntó.
 
Cabeza de llista
  
Pela so parte, el cabeza de llista del Parti Nationaliste Basque (PNB), Jean Telletxea, mostróse "bien contentu" polos resultaos llograos pola formación na primer vuelta de los comicios, que "reforzó la so posición" nel País Vascu-francés, espacialmente en Lapurdi.
  
Amás, destacó la presencia de la formación "la primer vez nel País Vascu interior", un fechu que definió como "un símbolu". "Un resultáu que s'esplica d'una manera bien simple: tenemos un programa bien trabayáu sobre'l tema del País Vascu en comparanza a les otres llistes", dixo.
  
Frente a l'actitú caltenida polos socialistes o la drecha francesa, Telletexea defendió que'l PNB fizo "un trabayu de pedagoxía" y construyó "un programa realista". "Precisamos un poder fuerte (n'Iparralde), pero construyimos un proyectu de colectividá institucional pal País Vascu qu'integra a la Constitución francesa. Tenemos realismu", acabó.