Doce años de diversidá llingüística nel ciberespaciu

‘Doce años midiendo la diversidá llingüística n’internet: balance y perspectives’ ye un trabayu de la Unesco que quier contribuir a sensibilizar sobre la diversidá llingüística nel ciberespaciu.

L’estudiu, analiza dende 1966 a 2008 la presencia de los idiomes na rede, centrándose nes llingües llatines, l’alemán y l’inglés. Ye un encargu de la Unesco a un grupu d’investigadores de la Fundación Redes y Desenvolvimientu, un organismu non gubernamental internacional dedicáu al espardimientu de les nueves tecnoloxíes nos países en desarrollu, y de la Unión Latina, organización encargada d’esparder la herencia cultural llatina.
 
El trabayu ye la continuación d’un estudiu previu de la Unesco, espublizáu cola sida de la Cumbre Mundial Sobre la Sociedá de la Información de 2005, y ye critico colos estudios anteriores, “ausentes de rigor académicu”, y la falta d’una política llingüística virtual que fai que les “llingües locales de países desenvolvimos” tean amenazaes n’internet pola presión del inglés y la llingua del estáu.

La falta de política llingüística virtual fai que nun se pue afitar un diagnósticu sobre la diversidá d’idiomes na rede, “cada casu depende de les sos especifidaes”, anque señala’l catalán como un exemplu, “tanto a nivel virtual como non virtual”.