Biden afirma que les nueves viviendes xudíes minen les negociaciones

El vicepresidente d'Estaos Uníos alvirtió que la construcción de 1.600 viviendes xudíes nun asentamientu próximu a Xerusalem minará "la confianza" nes negociaciones de paz.

"Correspuende a les dos partes xenerar un clima d'apoyu a les negociaciones y nun enzancales", declaró Joe Biden nun comunicáu de prensa lleíu xunto al presidente de l'Autoridá Palestina, Mahmud Abbas, en Ramala.
  
"La decisión d'ayeri del Gobiernu israelín d'adelantar la planificación de nueves viviendes en Xerusalén Este mina la confianza, la muncha confianza que precisamos xustamente nestos momentos de negociaciones provechoses", añadió.