Ban Ki Moon condena l'ampliación de los asentamientos israelinos

El secretariu xeneral de la ONU condenó los planes d'Israel d'ampliación d'asentamientos, nun momentu d'intensificación d'esfuercios pa llograr la creación d'un Estáu palestín.

"El secretariu xeneral condena l'aprobación del plan de construyir 1.600 viviendes más en Xerusalén Este anunciáu pol ministru del Interior israelín (Yitzhak Aharonovicz) a primer hora de güei (martes)", afirmó'l voceru de la ONU, Martin Nesirky, nun comunicáu.

"(Ban) repite qu'estos asentamientos son illegales d'acordies coles lleis internacionales", afirmó, y añadió que'l secretariu xeneral de Naciones Uníes "sorraya que la construcción d'asentamientos atenta contra les obligaciones d'Israel contrayíes na fueya de ruta (plan de paz) y estropia cualquier mira dirixida a rematar el procesu de paz".
  
Estes declaraciones de Ban coinciden coles del vicepresidente d'Estaos Uníos, Joe Biden, qu'esti martes, de visita n'Israel, condenó tamién los planes de Tel Aviv d'ampliar los asentamientos nos territorios ocupaos.