L'agrupación Ideas pide un pautu social pa combatir el paru

L'Agrupación de Partíos Independentes d'Asturies apostó por un gran pautu social que cuente cola participación de les instituciones y empreses pa combatir la tasa de paraos.

"Los datos sobro'l númberu de paraos rexistraos n'Asturies correspondientes al mes de febreru de 2.010 (83.736 persones), ponen de manifiestu l'alarmante situación del mercáu llaboral na nuesa rexón", señaló la nueva formación nuna nota de prensa.

Dende Ideas apuesten pola "inmediata puesta en marcha de midíes específiques d'apoyu al emplegu que favorezan la contratación de paraos por cuenta ayena y pola subida d'ayudes al autoemplegu".
  
Amás, la nueva formación política asturiana promueve un "plan específicu d'ayudes para la incorporación de pymes a la sociedá de la información" y la promoción y apoyu al establecimientu de mecanismos de collaboración ente les grandes empreses y les Pymes y autónomos afincaos n'Asturies.
  
Ente otres cuestiones, dende Ideas pretenden tamién utilizar los recursos presupuestarios necesarios para la efectiva y total aplicación de la Llei de la Dependencia, amás de manifestar la so "oposición a la puesta en marcha de cualquier tipu de contratación llaboral qu'implique la perda de derechos salariales y/o llaborales y que supongan un retrocesu nel nivel de bienestar de los trabayadore