Xuventú Asturianista pide reconocimientu pa Pachín de Melás

Xuventú Asturianista reclamó nun actu d’homenaxe a Pachín de Melás, la reconocencia institucional de la figura del escritor xixonés al ser “un patriota y un exemplu pa tolos asturianos”.

Miembros del PAS y les sos mocedaes aconceyaron xunto a Pilar Rubiera, fía de Pachín de Melás, y la ñeta del mesmu, y dellos ciudadanos más, pa facer un homenaxe cabo los restos de la cárcele d’El Coto, esti sábadu a les 12:30 hores.
 
Xuventú Asturianista quixo reconocer a Pachín de Melás “pol so exemplu pa tolos asturianos, pol so talante democráticu y la so defensa d’Asturies”, calificándolo nel actu como un “patriota asturianu”. Al traviés d’un manifiestu recordaron la vida de Milio Robles Muñiz, “Pachín de Melás” y se reclamó una mayor reconocencia de la so figura per parte de les instituciones.
 
Un autor, que recordaron “enfrentóse a los que quixeron robar la democracia a Asturies” y que sufrió la represión “pasando los sos últimos díes nes peores condiciones imaxinables por defender a Asturies y la llibertá”.