Furmientu pide que traduzan l’Estatutu al asturianu
|
5 Marzu, 2010 por Damián Barreiro
- Inicie sesión o rexístrese pa espublizar comentarios
Furmientu solicitó formalmente la traducción del Estatutu d’Autonomía de Castiella y Lleón al asturianu y al gallegu, “llingües reconocíes oficialmente por esi mesmu testu llegal”.
L'asociación cultural zamorana quier qu’asina, la Xunta de Castiella y Lleón desendolque l’artículu 5 d'Estatutu, “onde se diz que'l lleonés va ser oxetu de protección específica per parte de les instituciones pol so particular valor dientro del patrimoniu llingüísticu de la Comunidá, y, amás, figura que va gociar de respetu y protección la llingua gallega nos llugares nos que davezu s'utilice”, señalen.
Furmientu pidió la traducción del estatutu d'autonomía pa cumplir col mandáu a manera d'esperiencia pilotu, “a la que deberíen de siguir otres igualmente empobinaes a la salvaguarda del lleonés y del gallegu”.
El coleutivu ufrióse a collaborar cola alministración nes traducciones y pidió que los exemplares foren repartíos peles zones en que se falen estes llingües “propies de Castiella y Lleón”.
“La nuesa asociación cultural acompañó l'escritu cola contestación dada pol Procurador del Común de Castiella y Lleón va pocos meses, na que se daba la razón a Furmientu en relación a la quexa presentada pola falta de desenvolvimientu llegal d'esti mesmu apartáu del Estatutu”, indicaron dende'l coleutivu.
Efrén d'Andrés
Lo + visto de la selmana
Comentarios
Nun tán bien estos tracamundios de les fontes orixinales.
"Nuestro colectivo, en esta ocasión, ha solicitado la traducción de nuestro estatuto de autonomía a estas dos lenguas reconocidas oficialmente por ese mismo texto legal, a modo de "experiencia piloto", a la que, según el colectivo, deberían de seguir otras igualmente encaminadas a la salvaguarda del leonés y del gallego."
Si se quier sorrayar la unidá del dominiu llingüísticu na noticia, debería usase un nome que represente a tol dominiu y non sólo a una de les variedaes: asturlleonés, asturiano-lleonés, ástur, etc.
Onde ta l' Academia que regula el "leones"?
Como sigan asina unos y otros a dambos llaos de la cordelera, pisándose los nomes unos a otros y nun entendiendo'l conceutu de dominiu, nun tardando muncho cumplirán el so mandáu estatutariu de proteición, usu y promoción, y acabarán faciendo la so academia. Y esa sí que diba ser gorda.