El Conceyu de Ribesella convoca la tercer edición del premiu 'Arbidel'

El Conceyu de Ribesella anunció güei la convocatoria de la tercer edición del premiu 'Arbidel', dedicáu a los relatos eróticos en llingua asturiana.

Los orixinales, que nun podrán ser inferiores a ocho fueyes mecanografiaes a doble espaciu per una cara, puen presentase hasta'l próximu 20 d'abril nel mesmu Conceyu. Resérvense dos premios, ún de 1.200 euros, y otru de 500.
 
Los trabayos premiaos publicaránse próximamente nun volume qu'incluyirá los galardonaos nestes trés primeres ediciones. Les bases del concursu puen consultase na páxina web del Ayuntamientu de Ribesella.