Xornaes sobre la incineradora n'Avilés

L'Asociación de Vecinos d'El Quirinal, en collaboración cola Rede a cuerpu de Barriu, entama'l próximu xueves unes xornaes nes que se va aldericar sobre la incineradora de Coxersa. El colectivu vecinal presentó esta mañana esti actu que lleva por títulu 'Xornaes sobre la incineradora de basures. ¿Peligru pa la salú?'.
  
L'actu va desarrollase nel CMAE de magar les 19 hores y va constar de trés conferencies que van impartíes por espertos medioambientales. La primer d'elles va correr al cargu de Félix Payo Losa, neumólogu del Institutu Nacional de Silicosis, que va falar del impactu d'esta instalación na salú.
  
Fructuoso Pontigo, voceru de Conceyu Contra la Incineradora y el Colectivo Ecoloxista d'Avilés, van falar sobre l'impactu de la futura instalación nel mediu ambiente. Carlos Ponte Mosquera, llicenciáu en Mediu Ambiente, va acabar les conferencies falando sobre les posibles alternatives a les incineradores.