Pieslla l'Axencia Europea de Llingües Minoritaries

|

L’Axencia Europea de les Llingües Minorizaes ( European Bureau for Lesser-Used Languages) anunció ayeri llunes la fin de la so actividá, según paez por problemes de presupuestu.

La entidá, con un trabayu desendolcáu a lo llargo de 25 años, taba promovida pol Parllamentu Européu y yera un coleutivu nun gubernamental que tenía’l rangu d’entidá consultiva de la Eurocámara y de les Naciones Uníes.
 
Nuna nota de despidida qu’espublicen na so web, faen un llamáu a les organizaciones independientes locales surdíes al amparu del EBLUL a siguir col trabayu a nivel européu de promoción de les llingües minoritaries.
 
A nivel estatal, por exemplu, formóse en 2008 Diversilinguae, col oxetivu de dar a conocer y defender el plurillingüísmu nel Estáu español. L’asociación taba formada por Mesa pola Normalización Lingüística (Galicia), Fundación Aurten Bai y Euskara Kultur Elkargoa (País Vascu), y CIEMEN, Centre Internacional Escarré per a les Minories Ètniques i les Nacions (Cataluña).

Contador Estadistiques