Laporta estrena la so web personal pa independizar Cataluña

El presidente del FC Barcelona entamó la so carrera hacia la Generalitat catalana abriendo una web de carácter políticu na qu'acaba'l so mensaxe con un 'Visca Catalunya Lliure'.

Joan Laporta, que caltuvo conversaciones con Reagrupament tres la negativa d'ERC y CiU a incorporalu a les sos llistes, nun desveló tovía si va presentase a les eleiciones catalanes d'anguaño.

"Voi siguir dedicando los meyores años de la mio vida al país qu'amo. Llegó'l momentu de sirvir toos xuntos a Cataluña", afirma na so web, encabezada pol eslogan 'Agora ye momentu de sirvir al país'.
  
Nel primer artículu de la so web, tituláu 'En primer persona', asegura qu'ésti ye pa él "un proyeutu compartíu y de nenguna manera personal, anque munchos asina lo quieren vender".
  
Pa ello, va publicar los sos pensamientos políticos y, al empar, va dar ecu a los sos llectores, que tamién van poder opinar. Asegura que la so web va respetar a toles persones y instituciones, pero "ensin arrenunciar a llevantar la voz cuando s'ataquen los drechos y llibertaes de Cataluña".
  
"Los censores y l'aparatu mediáticu esta vez nun van poder nin tracamundiar nin inorar les nueses opiniones y los nuesos oxetivos compartíos. ¡Puxa Cataluña llibre!", diz pa zarrar el so primer mensaxe, qu'acompaña con un videu de presentación sobre les posibilidaes de comunicación que-y da Internet.
  
Laporta2010.cat tien, amás d'artículos del presidente del Barça, la so axenda, noticies sobre les sos actividaes, un espaciu pa vídeos, y enllaces coles redes sociales Facebook y Twitter.